അദ്ദിക്ർ

വിശ്വാസികളുടെ മേല്‍ അപവാദം പറയല്‍ വന്‍കുറ്റങ്ങളില്‍ പെട്ടതാണെന്ന് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്. 24: 11-13 സൂക്തങ്ങളില്‍, ആയിശ-സ്വഫ്വാന്‍ എന്നിവരെക്കുറിച്ച് കപടവിശ്വാസികള്‍ അപവാദം പറഞ്ഞുപരത്തിയതിനെ വിമര്‍ശിക്കുകയും; 24: 16 ല്‍, 'ഇത് വമ്പിച്ച അപവാദമാണ്, അല്ലാഹുവേ നീയെത്ര പരിശുദ്ധന്‍, വിശ്വാസികളായ നമുക്ക് ഇത്തരം വാക്കുകള്‍ പറയാന്‍ പാടില്ല' എന്ന് ആ വാര്‍ത്ത കേട്ടപ്പോള്‍ നിങ്ങള്‍ എന്തുകൊണ്ട് പറഞ്ഞില്ല എന്ന് ചോദിക്കുകയും; 24: 17 ല്‍, നിങ്ങള്‍ വിശ്വാസികളാണെങ്കില്‍ ഇത്തരം പ്രവര്‍ത്തനങ്ങള്‍ മേലില്‍ ഒരിക്കലും ആവര്‍ത്തിക്കരുതെന്ന് താക്കീത് നല്‍കുകയും ചെയ്തിട്ടുണ്ട്. എന്നാല്‍ ഇന്ന് ഇത്തരം സൂക്തങ്ങളെല്ലാം വായിക്കുന്ന ഫുജ്ജാറുകള്‍ 7: 26 ല്‍ വിവരിച്ച പ്രകാരം ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്റിനെ തള്ളിപ്പറയുക എന്നത് ഭക്ഷണമാക്കിയവരാണ്. ഫുജ്ജാര്‍ കിതാബുകള്‍ പഠിക്കുകയും പഠിപ്പിക്കുകയും ചെയ്യുന്ന ഭ്രാന്തന്മാരായ അവര്‍ അദ്ദിക്ര്‍ പിന്‍പറ്റുന്ന വിശ്വാസികളെ 'നുണ പറയുന്ന ഒറ്റയാന്‍' എന്ന് പരിഹസിക്കുന്നതാണ് എന്ന് 54: 25; 83: 29 സൂക്തങ്ങളില്‍ അവര്‍ വായിച്ചിട്ടുണ്ട്. 62: 5 ല്‍ പറഞ്ഞ പ്രകാരം ഭാരം വഹിക്കുന്ന കഴുതകളെപ്പോലെ ഗ്രന്ഥം വഹിക്കുന്ന അക്രമികളായ ഫുജ്ജാറുകളെ ഉപദ്രവിച്ചാലും ഇല്ലെങ്കിലും മാറ്റം വരാത്ത നായയോടാണ് 7: 175-176 സൂക്തങ്ങളില്‍ ഉപമിച്ചിട്ടുള്ളതെങ്കില്‍, ചിന്താശക്തി ഉപയോഗപ്പെടുത്താത്തവരും അദ്ദിക്റിനെത്തൊട്ട് ബധിരരും ഊമരുമായ അവരെ ദുഷ്ടജീവികള്‍ എന്നാണ് 8: 22 ല്‍ വിശേഷിപ്പിച്ചിട്ടുള്ളത്. 1: 7; 2: 80-81; 9: 67-68 വിശദീകരണം നോക്കുക.